ෂැංග‍්‍රිලා සුපිරි නිවසට පොලිසිය පනී,හරීන් කෝපයෙන් ගුගුරයි..

හිටපු පළාත් සභා මන්ත්‍රීනි මල්ෂා කුමාරතුංගගෙන් ප්‍රකාශයක් ලබාගැනීම සඳහා ඇය නැවතී සිටි කොළඹ ෂැංග්‍රිලා හෝටලයේ සුඛෝපභෝගී නිවස්නයකට ගිය පොලිස් කණ්ඩායමකට එහි සිටි සමගි ජන බලවේග අපේක්ෂක හරීන් ප්‍රනාන්දු විසින් දැඩි විරෝධතාවයක් එල්ල කර තිබේ.

පොලිසිය විසින් එහි ගොස් ඇත්තේ මෑතකදී සමාජජාලාවල ප්‍රසිද්ධියට පත්වූ එජාප හිටපු මන්ත්‍රී කාවින්ද ජයවර්ධනගේ යැයි කියන අසභ්‍ය වීඩියෝව සම්බන්ධයෙන් ඔහු විසින් කරන ලද පැමිණිල්ලකට අදාල ප්‍රකාශයක් ලබාගැනීම සඳහාය.

අදාල වීඩියෝ පටය සමාජ ජාලා වෙත මුදා හැරියෙ කවුදැයි පොලිසිය පරීක්ෂණ කරමින් සිටි.ඒ අනුව මුලින්ම ප්‍රශ්න කර ඇත්තේ මෙරට ප්‍රසිද්ධ යූ ටියුබ් ගීත වීඩියෝ නිර්මාණය ශිල්පියෙකුගෙනි.ඔහු පවසා ඇත්තේ මෙම වීඩියෝව තමනට තම නැගණියකගෙන් ලැබූ එකක් බවයි.

ඒ අනුව ඇයගෙන් පොලිසිය විසින් ප්‍රශ්න කිරීමේදී ඇය සඳහන් කර ඇත්තේ එය මල්ෂා කුමාරතුංග විසින් ලබා දුන් බවකි.ඒ අනුව පොලිසිය කොලඹ ෂැංග‍්‍රිලා හෝටලයට ගොස් ඇත්තේ ඒ ගැන ප‍්‍රශ්න කිරිමටයි.

එම ප්‍රශ්න කරන අවස්ථාවේදී එම නිවස්නයේ සිටි කෝපයට පත්වූ හරින් ප්‍රනාන්දු හිටපු මන්ත්‍රීවරයා තම දුරකථනයෙන් බස්නාහිර පළාත ඉහළම පොලිස් නිළධාරියෙකු අමතමින් ඒ ගැන විමසීම් කර ඇත.එහිදී එකී පොලිස් නිලධාරියා දැනුවත් කර ඇත්තේ මෙම පරීක්ෂණ සිදු කෙරෙන්නේ කාවින්ද ජයවර්ධන හිටපු මන්ත්‍රීවරයා විසින් සිදු කරන ලද පැමිණිල්ලක් මත බවයි.