විදේශගත ශ‍්‍රමිකයන් ගෙන්වීම මහා ජාවාරමක්, මාෆියාවක්..- ඇමති අරුන්දිකගෙන් ප‍්‍රහාරයක්..

විදේශ රටවල සේවය කරන ශ්‍රී ලාංකික ශ්‍රමිකයන් මෙරටට ගෙන්වීමේ ලේඛණයට නම දැමීමේදී පටන් මාෆියාවක් ක්‍රියාත්මක බව රාජ්‍ය අමාත්‍ය අරුන්දික ප්‍රනාන්දු සඳහන් කරයි.අද වන විට විදේශ ශ්‍රමිකයන් මෙරටට ගෙන්වීම ඉතාම අසාධාරණ ව්‍යාපාරයක් බවට පත් කරගෙන ඇතැයි ද ඔහු චෝදනා කළේය.

ගුවන් තොටුපලේදී පුද්ගලික හෝටල් තුල නිරෝධායනයට එම ශ‍්‍රමිකයන් ගෙන යාම සදහා මහා මාෆියාවක් ඇතැයිද ඔහු හෙලි කරයි.විදේශ ශ්‍රමිකයන් ගෙන්වීම මේ වන විට ගසා කෑමක් බවටත්, මුදල් හම්බ කිරීමේ ව්‍යාපාරයක් බවට පත් කරගෙන ඇතැයිද ඔහු කියා සිටියේය.

ඒ හේතුවෙන් මෙම රජය බලයට පත් කිරීමට විශාල කැපකිරීමක් කල විදේශගත ශ‍්‍රමිකයන් රජය ගැන බරපතළ ලෙස කලකිරී ඇතැයිද ඔහු පැවසීය. ඔහු මෙම චෝදනා එල්ල කළේ කොළඹ පැවති මාධ්‍ය හමුව අමතමිනි.

වැබැවිනම මේ වන විට විදේශ ශ්‍රමීකයන්ගේ කඳුළු කථාවට වසරක් ගෙවී අවසානය . අරුන්දික ව්‍යවසනයෙන් වසරක් ගත වන තැන හෝ කට ඇරියද අනෙක් පොහොහොට්‍ටුවන් තවමත් විදේශ ශ්‍රමිකයන් ගැන මුනිවත රකිමින් ආණ්ඩුවේ කුණු රෙදි හෝදමින් සිටියි

Add Comment